O LE TALALELEI MA LE EKALESIA Lesona 13 mo Setema 23, 2017

Toe fa’atutū e ua pau’ū. Kalatia 6:1a. ‘Alo’ese mai fa’aosoosoga. Kalatia 6:1e. Fesoasoani e fa’amᾱmᾱ i ‘avega a isi tagata. Kalatia 6:2a. Ia fa’ataunu’uina le Tulafono a Keriso. Kalatia 6:2e. Fa’amᾱmᾱina o a tatou ‘avega. Kalatia 6:5. Lulu ma selesele. Kalatia 6:7-8. Faia mea lelei mo isi tagata. Kalatia 6:9-10. Kalatia 6:1-10 o lo’o iai ni fautuaga mo le ‘au kerisiano e fa’atatau i ‘auala e feso’ota’i ai i isi fo’i tagata fa’atuatua.

TOE FA’ATUTŪ E UA PA’U’Ū “Le au uso e, afai e maua se tagata i se tasi agasala, o outou o i la le Agaga ia outou fa’afo’i mai le ua fa’apeaina ma le loto o le agamalu…” (Kalatia 6:1a) Tatou te ‘ioeina le ‘au fa’atuatua ina ia atoatoa (Kalatia 5:16; Mataio 5:48), ae e iai taimi e pa’u’ū ai le ‘au fa’atuatua , ma a’afia ai ma i tatou. Tatou te le o talanoa e lu’i le agasala pe matuᾱ tete’e i ai, ae o se mea ua sesē po’o le se’e ‘ese. O le a le a’oa’oga a Iesu i le toe fa’atutū mai o tatou uso ma tuafafine? Mataio 18:15-17. E tatau ona “lipea” pe “fa’asa’o” mea sese a isi i le ‘auala fa’ale-tagata, e fusia i le alofa ma le lē gaoia. E tatau ona tasi pe lua ni molimau po’o le ekalesia o ni alaga’oa mulimuli pe afai e musuᾱ le tagata e fa’ailoa lana mea sesē.

‘ALO’ESE MAI FA’AOSOOSOGA “… ma ia fa’aeteete oe ne’i fa’aosoosoina fo’i oe.” (Kalatia 6:1e) Ua tautala Paulo i le tagata ua ia iloaina le mea sesē a le isi ona uso. E aunoa ma le tusitusilima i mea sesē a isi tagata, e tatau ona tilotilo i tatou iᾱ i tatou lava. O lo’o o’u faia ea le mea sesē lava e tasi? I lea lava tulaga, e fa’apeī le ituaiga faiga ou te mana’o ai pe afai ou te pa’ū? E leai se tasi e fiafia i le pa’ū, auᾱ ua tutusa le natura agasala o tagata uma. O le tala ia Tavita, Peteru ma isi tagata o le Tusi Pa’ia e fa’amaonia ai mea nei (1 Korinito 10:12)

FESOASOANI E FA’AMᾹMᾹ ‘AVEGA A ISI TAGATA “Ia outou fesui i a outou ‘avega e ‘ave…” (Kalatia 6:2a) O le ‘upu “’avega” e fa’asino i se ᾱvega e tatau ona tausoa i se ‘auala umi lava. O lenei ‘upu sa fa’aaoga mo so’o se fa’afitauli po’o se mea faigata. Ua fautuaina i tatou ina ia fesoasoani i isi tagata e fa’amᾱmᾱ a latou ‘avega. O ‘avega e foliga ua ni mea sesē e masani a’i ma mea e tutupu ai, o se fa’ama’i i le tino, ma lepetia ai aiga… E lē finagalo le Atua tatou te tau’aveina a tatou ‘avega. O lo tatou manatu fa’amaualuga e le tatau ona fete’ena’i ma le fesoasoani mai o isi tagata e tau’ave a tatou ‘avega. O Kerisiano uma e tatau ona tapena e fesoasoani i isi tagata, ona o se vaega taua o le Ekalesia (1 Korinito 12:26).

IA FA’ATAUNU’UINA LE TULAFONO A KERISO “… ma ia fa’apea ona outou faia le tulafono a Keriso.” (Kalatia 6:2e) O le fea le Tulafono a Keriso? Ua ‘aumai e Iesu ia i tatou le tulafono: “e pei ona ou alofa atu ia te oe, ma e alofa atu i le isi.” (Ioane 13:34). Ua ia soso’oina le tulafono masani i le alofa. O le alofa i le Atua i mea uma ma o tatou tuᾱ’oi fa’apea ma i tatou lava o le ta aofa’iga lena o le tulafono (Mataio 22:36-40). I le fa’amᾱmᾱ ai o ‘avega a isi, e le gata ua tatou mulimuli i tulaga ‘a’ao o Iesu ma ua fa’ataunu’uina ai fo’i le tulafno.

FA’AMᾹMᾹINA O A TATOU ᾹVEGA “Auᾱ e ta’itasi ma ‘ave i lana lava ‘avega.” (Kalatia 6:5) O lo’o fa’aaoga e Paulo ‘upu e lua i fuai’upu e 2 ma le 5: baros (f. 2; ‘avega) ma le phortion (f. 5; ᾱvega) O “ᾱvega” i le fuai’upu e 5 e pei o se uta a se va’a i se uafu, po’o se ato fa’afafa a se fitafita po’o se pepe i totonu o le manava o lona tinᾱ. O na ᾱvega e le mafai ona tu’u’eseina. O lona uiga, e le mafai e se tasi ona ia amoina vagana lava oe. E iai isi ᾱvega e na’o le tagata lava e to’atasi na te amoina. Fa’ata’ita’iga, o le ta’usalaina po’o isi ᾱvega tugᾱ, ua na’o le Atua e fesoasoani ia i tatou.

LULŪ MA SELESELE Lulū i la le tino Lulū i la le Agaga “Aua ne’i fa’asesēina outou, e le ulagia le Atua auᾱ o le mea e lulūina e le tagata, o le mea lava lea e seleseleina mai ai e ia. O sē lulū i la lona tino, e selesele mai ai e ia i la le tino le mea e pala, a’o sē lulū i la le Agaga, e selesele mai ai e ia i le la le Agaga le ola e fa’avavau.” (Kalatia 6:7-8) Lulū i la le tino Lulū i la le Agaga E mafai ona tatou lē ano tele i le Atua, ae le mafai ona tatou ulagiaina o Ia. O Ia o le Fa’amasino amiotonu e totogiina e tusa o a tatou mea sa lulūina i lenei olaga. O e o lo’o soifua e fa’amalieina lo latou tu’inanau i le tino e fa’aumatiaina. O i latou ua fa’amalieina le finagalo o le Atua e fa’aolaina e fa’avavau. O le tulafono o le lulū ma le selesele e fa’amaonia i le olaga nei. Ua tatou masani i le pagᾱtia po’o le fiafia fo’i i le i’uga o a tatou mea e fai. E le ‘ave’esea e le Atua mea e tutupu, ae na te fa’amagaloina a tatou agasala ma fa’atamafai i tatou e fai ma lana fanau.

FAIA MEA LELEI MO ISI TAGATA “Aua ne’i tatou fa’apalapala i le amio lelei, auᾱ o ona po e tatau ai tatou te selesele mai ai, pe afai tatou te le fa’avaivai. O lenei, ia tatou agalelei, ia fa’atatau i mea e tutupu i lea aso ma lea aso, i tagata uma lava, ae fa’asili i le aiga o le fa’atuatua.” (Kalatia 6:9-10) Ua fautua mai Paulo tatou te faia le lelei i so’o se taimi. Pe afai tatou te tausisi e fai le lelei, o le a tatou va’aia se i’uga matagofie. O o tatou uiga lelei e a’afia ai ituaiga tagata nei e lua: Tagata uma O tagata uma na foafoa e le Atua, ma maliu ai Iesu mo tagata uma. O lenei, ua ta’ulelei tagata uma ona o la tatou fesoasoani, tusa lava po’o le a le lanu, ituaiga, tagata, tulaga… O se vaega lenei o tagata fa’apitoa, ona o tagata lotu uma o o tatou uso ma tuafafine. O i tatou o tagata uma o le aiga e tasi, ma e tatau ona va’aia lelei e le tasi le isi i se ‘auala fa’apitoa. O le aiga Fa’atuatu a

“Se’i vagana ai lava ua e lagona o le a tu’u’ese ou manatu fa’ale-tagata, ma fa’amaulaloina oe lava ina ia lavea’ia lou uso, ma e avatua se malamalama itiiti i lou fofoga (mata) ma sauni e fesoasoani i lou lava uso. Ona mafai lea na e feso’ota’i iai ma a’apa atu i lona loto. E leai lava se tasi e mafai ona ia toe va’ava’ai i sona tulaga sesē e ala i le toe fuata’i ma feso’otai; ae o le to’atele ua o ‘ese mai ia Keriso ma ua ua’i atu o latou loto i le nofosala. O le agaga, le loto maulalo, o le manumalo, e ono fa’aolaina ai ma natia ai le anoano o agasala. O le fa’aaliga a le Atua i lou lava olaga o le a atagia ai se malosiaga tele mo i latou uma ua outou masani. ‘Avea ia Keriso e fa’aata ai oe i aso uma, ma ia fa’afouina oe le malosiaga o lana ‘upu—i le loto maulalo, fa’atosinaina, i le ma lea e tosina ai le toe fuata’ina o isi agaga i le matagofie o le Ali’i lo tatou Atua.” E.U. (Mafaufauga mai le Mauga o Fa’amanuiaga, v. 6, i. 128)